Наступствы магутнага ўдару па авіябазе РФ «Сакі» ў Крыме паказалі з космасу

• 22.09.2023, 12:19

Адзін з ангараў поўнасцю згарэў.

З'явіліся спадарожнікавыя фота наступстваў удару па расейскім вайсковым аэрадроме «Сакі» ў часова акупаваным Крыме. У выніку «бавоўны», якая адбылася ўночы 21 верасня, адзін з ангараў цалкам згарэў.

Здымкі апублікавала група маніторынгу «Крымскага ветру». «Відаць, што адзін з ангараў цалкам выгараў, а адна з пабудоў заліта пенай - на яго даху характэрна белая «шапка», - гаворыцца ў паведамленні.

Адзначаецца, што пасля ўдару на аэрадроме не засталося самалётаў. Магчыма, раейскія акупанты, іх перабазавалі.

Пры гэтым камандаванне РФ сцвярджае, што ўсе БПЛА нібыта былі збітыя, а тэхніка і аб'екты не пацярпелі. Аднак у Галоўнай управы выведкі заявілі, што ўдары трапілі ў цэль і нанеслі сур'ёзных пашкоджанняў тэхніцы акупантаў. Для знішчэння ворага выкарыстоўвалі беспілотнікі, якія панішчылі расейскую СПА, а затым запусцілі ракеты «Нептун».

Расейскія прапагандысты таксама пацвярджаюць сур'ёзныя разбурэнні і страты, яны заяўляюць аб сама меней 30 загінулых расейскіх вайскоўцаў.

Нагадаем, ноччу 21 верасня Служба бяспекі Украіны і Вайсковыя марскія Сілы нанеслі маштабны агнявы ўдар па вайсковым аэрадроме «Сакі» ў часова акупаваным Крыме. На варожым вайсковым аб'екце знаходзілася не менш як 12 баявых самалётаў. На аэрадроме знаходзіліся баявыя самалёты краіны-агрэсаркі Су-24 і Су-30, а таксама ПЗРК «Панцыр».