Галоўным дырыжорам Вялікага тэатра Беларусі стаў расеец

• 7.09.2023, 18:21

Арцём Макараў прыбыў у нашу краіну з Уфы.

Галоўным дырыжорам Вялікага тэатра Беларусі стаў народны артыст Рэспублікі Башкартастан Арцём Макараў.

«Трупы ў добрым стане, і ўвогуле ў гэтым тэатры магчымыя, на мой погляд, усе паказы, нават самыя складаныя і экстрэмальныя. Спадзяюся, калі-небудзь і мне ўдасца ўвасобіць тут і свае мары», - пракаментаваў прызначэнне Макараў.

Арцём Макараў нарадзіўся ва Уфе. У 2000 годзе з адзнакай скончыў мясцовы інстытут мастацтваў паводле спецыяльнасці "фартэпіяна". У 2003 годзе закончыў адукацыю ў аспірантуры паводле спецыяльнасці "оперна-сімфанічнае дырыжыраванне". З 2010 года да нядаўняга часу быў галоўным дырыжорам Башкірскага дзяржаўнага тэатра оперы і балета.