У Беларусі стане яшчэ халадней

Прагноз надвор'я на самую сярэдзіну восені.

У сераду, 16 кастрычніка, умовы надвор'я ў асноўным будзе вызначаць халодная няўстойлівая паветраная маса, якая паступае з Балтыйскага мора.

Пераважна па ўсходняй палове краіны пройдуць кароткачасовыя дажджы. Уначы і раніцай у асобных раёнах слабы туман. Вецер удзень месцамі парывісты.

Уночы +1..+7°С, месцамі чакаюцца замаразкі 0..-2°С; максімальная тэмпература паветра днём +7..+12°С.

17-18 кастрычніка надвор'е будзе фармаваць халодны антыцыклон, цэнтр якога перамесціцца з поўдня Скандынавіі на тэрыторыю Беларусі.

Без ападкаў.

Уначы на большай частцы тэрыторыі замаразкі 0..-4°С, месцамі мінімальная тэмпература паветра складзе +1..+4°С; удзень +5..+12°С.

Апошнія навіны