Прэзідэнт Еўрапарламента патрабуе вызваліць Паліну Шарэнду-Панасюк

• 21.05.2024, 18:22

Лукашысты распачалі новую крымінальную справу супраць актывісткі.

Прэзідэнтка Еўрапейскага парламента Раберта Метсола заклікала вызваліць актывістку Паліну Шарэнду-Панасюк, якая сёння павінна была выйсці з турмы.

«Месца Паліны Шарэнды-Панасюк не ў беларускай турме.

Але на свабодзе і ўз'яднанні са сваёй сям'ёй.

Сёння ў Міжнародны дзень салідарнасці з палітвязнямі ў Беларусі я заклікаю да неадкладнага вызвалення яе і ўсіх палітвязняў», - напісала Метсола ў X.

Як паведамляў Charter97.org, актывістку грамадзянскай кампаніі «Еўрапейская Беларусь» трэцім разам абвінавацілі ў непадпарадкаванні адміністрацыі калоніі (артыкул 411 КК).