Дуда: Лукашэнка – лялька Пуціна

• 15.06.2024, 21:24

Прэзідэнт Польшчы жорстка прайшоўся па беларускім дыктатары.

Менавіта Расейская Федэрацыя вінаватая ў вайне ва Украіне, аднак агрэсар не дзейнічае сам – ім дапамагае Беларусь.

Як паведамляе РБК-Украіна аб гэтым заявіў прэзідэнт Польшчы Анджэй Дуда, выступаючы на ​​саміце міру ў Швейцарыі.

У сваім выступе Дуда заявіў, што менавіта беларускі дыктатар Аляксандр Лукашэнка дазволіў Расеі напасці на Украіну.

«Толькі Расея вінаватая за вайну. Але гэта не значыць, што Расея дзейнічае сама. Я зараз звяртаюся да ролі, якую лялька Пуціна Лукашэнка згуляў у гэтай вайне. Ён не толькі дазволіў войску РФ напасці на Украіну з тэрыторыі Беларусі, але і ініцыяваў шэраг гібрыдных нападаў супраць Польшчы і краін Балтыі», – заявіў Дуда.