Расеец сярод белага дня зладзіў дрыфт на праспекце Пераможцаў

• 12.07.2024, 14:33

Ролік з дрыфтам на "Мэрсэдэсе" знайшлі ў Сеціве.

«Інтэрнэт-выведка» менскай ДАІ знайшла ў сеціве відэа, на якім белы «Мэрсэдэс» дрыфтуе на скрыжаванні праспекта Пераможцаў і вуліцы Ратамскай, піша «Наша ніва».

.

Аўтамабіль некалькі разоў пайшоў у кіраваны занос і развярнуўся на 360 градусаў. Прычым кіроўца дрыфтаваў у той момант, калі рух на скрыжаванні быў даволі жвавы.

Супрацоўнікі ДАІ адшукалі кіроўцу - ім быў 23-гадовы расеец. Яго пакаралі за стварэнне аварыйнай сітуацыі. Акрамя таго, з мужчынам запісалі відэа, у якім ён заявіў, што шчыра раскайваецца і заклікаў іншых грамадзян не паўтараць такіх манеўраў.