Літва закрывае мяжу для аўто на беларускіх нумарах

• 17.07.2024, 13:26

Ужо заўтра.

Літва з поўначы 18 ліпеня далучаецца да забароны ўезду ў краіну аўтамабіляў з беларускімі нумарамі

Раней аналагічную забарону, матывуючы яе санкцыямі ЕЗ, увяла Латвія.

Да 16 жніўня 2024 года ў Літву змогуць уехаць зарэгістраваныя ў Беларусі легкавікі, калі яны не прызначаныя для продажу і належаць грамадзянам Беларусі з дзейнай візай або дазволам на жыхарства ў Літве (часовым або пастаянным). Пры гэтым кіраваць аўтамабілем павінен яго ўласнік. Гэтае выключэнне не распаўсюджваецца на аўтамабілі, якія належаць юрыдычным асобам або выкарыстоўваюцца ў камерцыйных мэтах.

Без праблем змогуць ездзіць аўто з дыпламатычнымі нумарамі.

Рух пасажырскіх аўтобусаў гэтыя забароны не закранаюць.