У Данецкай вобласці УСУ збілі Су-25 РФ

• 19.07.2024, 15:00

Баявы самалёт спрабаваў абстрэльваць украінскія пазіцыі.

У Данецкай вобласці ўкраінскія вайскоўцы збілі расейскі Су-25. Адбыўся інцыдэнт на Пакроўскім кірунку.

Пра гэта паведамляе АСГВ «Хорціца».

«На Пакроўскім кірунку ўкраінскія вайскоўцы збілі расейскі баявы самалёт Су-25, які спрабаваў абстрэльваць пазіцыі падраздзяленняў Сіл абароны», - гаворыцца ў паведамленні.

Самалёт збілі ваяры-зенітчыкі з асобнай механізаванай брыгады імя генерал-харунжага Марка Бязручкі. Як кажуць вайскоўцы, ён ужо палае ў стэпах украінскага Данбаса.