Грамадзяніна Нямеччыны прысудзілі ў Беларусі да расстрэлу

• 19.07.2024, 19:01

Яго абвінавачвалі адразу паводле чатырох артыкулаў.

У канцы чэрвеня грамадзянін Нямеччыны Рыка Крыгер (Rico Krieger) быў прысуджаны да смяротнага пакарання Менскім абласным судом, паведамляе «Наша нива».

Мужчыну абвінавацілі паводле артыкулаў:

- незаконныя дзеянні ў дачыненні да агнястрэльнай зброі,

- прывядзенне ў непрыдатнасць транспарту або шляхоў злучэння,

- стварэнне або ўдзел у «экстрэмісцкім» фармаванні,

агентурная дзейнасць,

- найміт і акт тэрарызму.

Суд над Крыгерам пачаўся 6 чэрвеня.

Вядома, што ў Нямеччыне ў мужчыны засталося непаўналетняе дзіця. На гэты момант невядома, ці быў прысуд абскарджаны ці апратэставаны, і ці набыў ён законную моц.