У Польшчы з'явіцца ўдовіна пенсія

• 23.07.2024, 16:42

Законапраект паступіў у Сейм.

Урад Польшчы падтрымае законапраект аб увядзенні так званай удовінай пенсіі. Законапраект прадугледжвае, што аўдавелы чалавек зможа атрымліваць частку пенсіі памерлага мужа, паведамляе «Польскае радыё».

Прэм'ер-міністр Польшчы Дональд Туск паведаміў, што на сённяшнім пасяджэнні Савета міністраў прынятая пастанова, што ўся ўрадавая кааліцыя прагаласуе ў падтрымку законапраекта.

«Мы ўсе абавязаліся працаваць разам у Сейме і галасаваць разам, як урадавая кааліцыя, за тую форму праекту, якая выцякае з пазіцыі ўрада. І я спадзяюся - таму што было некалькі віражоў - што мы наладзім заканадаўчую працу ў кааліцыі», - сказаў польскі прэм'ер.

Законапраект аб удовіных пенсіях паступіў у Сейм як цывільны законапраект. Другое чытанне дакумента запланаванае на чацвер.