Ціханоўская пракаментавала адстаўку Сахашчыка

• 1.08.2024, 22:58

І заявіла, што «застаецца з ім у добрых стасунках».

Святлана Ціханоўская пракаментавала сыход са свайго кабінета экс-камандзіра Берасцейскай дэсантна-штурмавой брыгады Валерыя Сахашчыка.

«Згодна, што не ўсе планы ўдалося рэалізаваць, але той шлях, які мы ўсе праходзім, — мы праходзім упершыню. З Валерыем Сцяпанавічам мы застаёмся на сувязі і ў нармальных працоўных стасунках», - адзначыла Ціханоўская.

Адзначым, Сахашчык раскрытыкаваў кабінет Ціханоўскай. Ён заявіў, што структура «рухаецца не туды», а многія калегі сталі ўспрымаць яго як ворага.