ЗША хочуць даведацца ва Украіны, што робіцца ў Курскай вобласці Расеі

• 7.08.2024, 20:37

Для «лепшага разумення сітуацыі».

Улады Злучаных Штатаў Амерыкі звернуцца да Украіны па тлумачэнні наконт падзей, якія адбываюцца ў Курскай вобласці РФ.

Пра гэта заявіў дарадца Белага дому ў пытаннях камунікацый у сферы нацыянальнай бяспекі Джон Кірбі, яго 7 жніўня працытавала Bloomberg.

Паводле ягоных словаў, амерыканскія чыноўнікі звяжуцца з украінскімі калегамі, «каб лепей зразумець» сітуацыю.

Кірбі дадаў, што Штаты не змянілі сваю палітыку датычна дазволу Украіне выкарыстоўваць амерыканскую зброю для «адбівання непасрэдных пагрозаў» у памежжы.