УСУ знішчылі рэдкі карабельны бамбамёт «Смерч-2»

• 11.02.2025, 14:34

Тэхніку акупантаў знайшлі ў лясах на Ліманскім кірунку.

Сілы абароны Украіны знішчылі ў лясах на Ліманскім кірунку карабельны бамбамёт «Смерч-2», які акупанты ўсталявалі на грузавік «Урал».

Пра гэта паведамляе Telegram-канал аператыўна-стратэгічнай групоўкі войскаў «Хорціца».

«Акупанты на базе грузавіка «Урал» устанавілі карабельны бамбамёт «Смерч-2». Аднак захопнікі не ўлічылі адзін адзіны момант, што ад пілотаў батальёна беспілотных сістэм і іх вялікіх начных дронаў не схаваешся», - піша АСВУ «Хорціца».

«Смерч-2»

Карабельны бамбамет «Смерч-2» - гэта савецкая рэактыўная ўстаноўка для супрацьлодкавай барацьбы, прызначаная для знішчэння падводных лодак на сярэдніх і малых дыстанцыях. Яна з'яўляецца мадэрнізаванай версіяй сістэмы «Смерч-1» і выкарыстоўвае некіравальныя глыбінныя бомбы, якія запускаюцца залпавым метадам.

Восенню 2023 года ў СМІ з'явіліся паведамленні аб тым, што акупанты ўстанавілі карабельную рэактыўную бомбамётную сістэму на браняваны шматцэлевы цягач МТ-ЛБ. А ўжо ў пачатку 2024 года быў апублікаваны відэазапіс, на якім зафіксаваны запуск набояў са «Смерчу-2», які ўсталявалі на шасі танка Т-80У.