60-гадовую Наталлю Ладуцьку прысудзілі да чатырох гадоў калоніі

• 12.02.2025, 11:57

Жанчына займалася дапамогай палітвязням.

Суд асудзіў 60-гадовую мянчанку Наталлю Ладуцьку да 4 гадоў калоніі паводле артыкула аб садзейнічанні «экстрэмізму» (артыкул 361-4 КК), паведамляе dissident.by.

Акрамя гэтага ёй прызначылі штраф на 25 200 рублёў.

Сілавікі затрымалі яе 23 студзеня 2024 года.

Тады сілавікі правялі рэйд па сваяках палітвязняў і тым, хто атрымліваў дапамогу ад сацыяльнай ініцыятывы INeedHelpBY.

INeedHelpBY - ініцыятыва прадуктовай дапамогі пацярпелым ад рэпрэсій. У студзені 2024 года ўлады прызналі ініцыятыву «экстрэмісцкім фармаваннем».