У Беларусь вярнулі з РФ амаль тону мясной і малочнай прадукцыі

• 12.02.2025, 21:34

На груз не было якіх-небудзь ветэрынарных суправаджальных дакументаў.

З канца студзеня Рассельгаснагляд вярнуў у Беларусь амаль тону мясной і малочнай прадукцыі, паведамляе прэс-служба расейскага ведамства.

У Бранскай вобласці за тыдзень спынілі тры аўтамабілі, якія ехалі з Беларусі міма афіцыйных пунктаў ветэрынарнага кантролю.

На грузы адсутнічалі якія-небудзь ветэрынарныя суправаджальныя дакументы, якія пацвярджаюць іх якасць і бяспеку. У выніку было канфіскавана 970 кг мясной і малочнай прадукцыі. Парушальнікаў прыцягнулі да адміністрацыйнай адказнасці.

Усяго з пачатку года Рассельгаснагляд вярнуў у Беларусь больш за 5 тон прадукцыі.