Туск: Еўропе тэрмінова патрэбны свой план дзеянняў датычна Украіны

• 15.02.2025, 14:54

Інакш будуць вызначаць іншыя.

Еўропе тэрмінова трэба распрацаваць свой план дзеянняў датычна Украіны і ўласнай бяспекі. У адваротным выпадку пастановы будуць прымаць іншыя.

Пра гэта напісаў прэм'ер-міністр Польшчы Дональд Туск у X (Twitter).

«Еўропе тэрмінова патрэбны ўласны план дзеянняў датычна Украіны і нашай бяспекі, інакш нашу будучыню будуць вызначаць іншыя глабальныя гульцы», – адзначыў Туск.

Кіраўнік ураду Польшчы дадаў, што ў такім выпадку пастановы будуць «не абавязкова ў адпаведнасці з нашымі ўласнымі інтарэсамі».

«Гэты план трэба рыхтаваць ужо цяпер. Нельга марнаваць час», – падкрэсліў польскі прэм'ер.