Байцы ўкраінскага войска спецыяльнага прызначэння ліквідавалі два дзясяткі акупантаў

• 17.02.2025, 11:49

Сілы ССА зачысцілі прамысловы аб'ект у тыле ворага.

Байцы Сіл спецыяльных аперацый Украіны правялі зачыстку прамысловага аб'екта ў тыле ворага. Былі знішчаныя 23 акупанты.

Пра гэта паведамляе Telegram-канал Сіл спецыяльных аперацый Узброеных сіл Украіны.

Падчас правядзення аэравыведкі на адным з кірункаў, аператары дронаў 3-га палка Сіл спецыяльных аперацый выявілі вялікую колькасць ворага ў адным з будынкаў прамысловага прадпрыемства.

Пастанавілі адправіць тактычную групу да аб'екта, занятага ворагам. Спецназаўцы правялі зачыстку памяшкання.