Паўза Трампа: Мэрц заявіў аб поспеху адзінай Еўропы

• 10.04.2025, 9:33

Еўрапейцы поўныя рашучасці абараняць сябе.

Кандыдат на пасаду канцлера Нямеччыны Фрыдрых Мэрц заявіў, што 90-дзённая паўза прэзідэнта ЗША Дональда Трампа аб мытах даводзіць станоўчы эфект ад адзінага еўрапейскага падыходу.

Пра гэта паведамляе Reuters.

Мэрц перакананы, што 90-дзённая паўза прэзідэнта ЗША Дональда Трампа аб мытах з'яўляецца довадам таго, што адзіны еўрапейскі падыход да гандлю мае станоўчы эфект.

«Еўрапейцы поўныя рашучасці абараняць сябе, і гэты прыклад паказвае, што адзінства дапамагае больш за ўсё», - сказаў ён.

Ён таксама заклікаў да бязмытнага гандлю паміж ЗША і ЕЗ.

«Давайце ўсе ўстановім тарыфы 0 адсоткаў на трансатлантычны гандаль, і тады праблема будзе ўрэгуляваная», - дадаў ён.