Расея страціла марскую базу ў Міжземным моры

• 10.04.2025, 11:30

Прадстаўнік Вайскова-марскіх сіл УСУ раскрыў падрабязнасці.

Расея больш не мае паўнавартаснай марской базы ў Міжземным моры, а яе прысутнасць у рэгіёне значна ўскладнілася пасля страты базы ў Тартусе.

Пра гэта паведаміў прадстаўнік Вайскова-марскіх сіл УСУ, капітан 3 рангу Дзмітрый Плецянчук, інфармуе «Укрінфарм».

«Расея дагэтуль прысутнічаюць у Міжземным моры і нават спрабуюць праводзіць нейкія вучэнні, хоць насамрэч цяпер вельмі цікава гэта выглядае. Фактычна, для іх цяпер гэта чужая акваторыя. Канешне, там ёсць дружалюбныя рэжымы ў Афрыцы, ёсць нават парты, куды яны перыядычна заходзяць на бункероўку, гэта значыць, іх там могуць нават абслугоўваць, аднак базы як такой цяпер у іх няма. І вядома, яны там спрабуюць дэманстраваць сцяг, вайсковую прысутнасць, як чарговы фактар дэстабілізацыі і ўплыву геапалітычнага», - падкрэсліў Плецянчук.

Нягледзячы на спробы праводзіць вучэнні і дэманстраваць вайсковую сілу, адсутнасць уласнай базы значна ўскладняе лагістыку расійскага флоту ў Міжземным моры.

Плецянчук падкрэсліў, што цікавасць да рэгіёну з боку Масквы не знікла - РФ і ў далейшым будзе спрабаваць утрымаць хаця б сімвалічную прысутнасць у Міжземным моры, напрыклад, праз афрыканскія парты.

«Гэта ўжо зусім іншы расклад, чым той, што быў падчас базавання ў Сірыйскай Рэспубліцы. Інтарэсы ў іх усё адно там застаюцца. Афрыка для іх таксама адзін з прыярытэтаў, і яны ўсё адно будуць перыядычна там знаходзіцца, бо гэта іх зона інтарэсаў», - дадаў ён.