СМІ: Узброены беларус напаў з пісталетам на паліцыянтаў у Расеі

• 11.04.2025, 10:29

Затрыманы дастаўлены ў аддзяленне паліцыі.

У расейскім Обнінску мужчына з нечым падобным на пісталет спрабаваў напасці на двух супрацоўнікаў паліцыі. Ім давялося страляць у паветра і прымяніць «баявыя прыёмы барацьбы», паведаміла ўправа МУС Калужскай вобласці Расеі.

Усё пачалося з таго, што прахожы расказаў дзяржаўтаінспектарам, што ў аўтамабілі ў двары дома сядзіць мужчына, які, відаць, п'яны.

«Падышоўшы да аўтамабіля, паліцыянты ўбачылі, што грамадзянін выйшаў з машыны і, накіроўваючы на іх прадмет, падобны на пісталет, стаў рухацца ў іх бок», - распавялі ў паліцыі.

Патрабаванні паліцыянтаў мужчына ігнараваў, сілавікі зрабілі папераджальныя стрэлы ў паветра.

«Грамадзянін працягнуў праяўляць агрэсію ў бок паліцыянтаў. Тады, ужыўшы баявыя прыёмы барацьбы, дзяржаўтаінспектары затрымалі мужчыну і даставілі ў аддзел паліцыі для разбору», - паведамілі ва УМУС.

Падобны да зброі прадмет канфіскаваны і будзе накіраваны на даследаванне. Паводле звестак факту праводзіцца праверка.

Са звестак тэлеграм-канала Baza, затрыманы - грамадзянін Беларусі.