Стала вядома дата адкрыцця буйнога гандлёвага цэнтра Avia Mall у Менску

• 11.04.2025, 11:38

Ужо неўзабаве.

Адкрыццё гандлёвага цэнтра Avia Mall у шматфункцыянальным комплексе "Мінск-Мір" запланавана забудоўшчыкам на травень 2025 года. Пра гэта паведамляе «Зеркало» са спасылкай на тэлеграм-канал Кастрычніцкага раёна сталіцы.

Цяпер уладальнік цэнтра ўкладвае значныя рэсурсы ў прапрацоўку ўсіх аспектаў, звязаных з адкрыццём аб'екта, а таксама вядзе работу ў каардынацыі дзейнасці арандатараў, якія ажыццяўляюць пераўладкаванне і перапланіроўку арэндных плошчаў унутры гандлёвага цэнтра.

Якарным арандатарам ў ГЦ выступіць ТАА «Грінрозніца».

Нагадаем, дата адкрыцця Avia Mall пераносілася тройчы. Першапачаткова яго хацелі адкрыць у 2022 годзе, потым у 2023-м, а потым паабяцалі, што ГЦ пачне працу ў 2024-м.