Лукашэнка ўчыніў экалагічную дыверсію ў Менску

• 12.04.2025, 20:20

Дыктатар заняўся адкрытым шкодніцтвам.

У Менску пры ўдзеле Лукашэнкі высаджваюць чырвоныя дубы, якія шкодзяць мясцовай флоры, паведамляе «Позiрк».

80 саджанцаў дуба чырвоналістага надумалі размясціць на пляцоўцы будаўніцтва новага комплексу Нацыянальнага гістарычнага музея і «парку народнага адзінства» падчас суботніка 12 красавіка пры ўдзеле Аляксандра Лукашэнкі.

«Масавае распаўсюджванне такога віду ў лясах Беларусі можа негатыўна адбіцца на біялагічнай разнастайнасці», - папярэджваў раней навуковец-батанік Леанід Чумакоў.