«Зроблена ў Беларусі і каштуе амаль $122»

• 14.04.2025, 18:59

Беларуску здзівілі цэны ў менскім ГУМе.

Беларуска ў TikTok паказала кошты мужчынскіх джэмпераў у менскім ГУМе і падзялілася сваім здзіўленнем. Многія каментатары яе падтрымалі, але іншыя апраўдвалі такі кошт, піша «Зеркало».

«Я думала, што ГУМ - гэта крама танных тавараў. Але паглядзіце - мужчынскі джэмпер 217 рублёў, - кажа на відэа пакупніца, паказваючы тавар, а потым бярэ ў рукі іншы. — А гэты, прабач божа, каштуе практычна 400».

Трэці варыянт дзяўчына знайшла яшчэ даражэйшы - 435 рублёў. «Мне здаецца, што гэта цэны, як у Massimo Dutti, але гэта зроблена ў Беларусі», – кажа блогерка. Яна таксама ўдакладніла, што цяпер у ГУМе зніжкі 30%, гэта значыць, абодва швэдры абыдуцца танней.

У роліку добра бачныя этыкеткі. Мяркуючы з іх, джэмпер за 217 рублёў на 70% складаецца з бавоўны і на 30% - з лёну. А другі, за 396 рублі, - гэта на 90% бавоўна і на 10% кашмір. Яны абодва выпушчаныя пад беларускім брэндам Gerry Ross.

Карыстальнікі сталі актыўна абмяркоўваць кошты. Вось некаторыя меркаванні каментатараў:

Калі гэта Prada, то цана добрая.

“Ну, там выдатны склад. Калі гэтыя рэчы не скочваюцца і не выцягваюцца падчас нашэння, то кошт апраўданы. Ёсць тут хто іх носіць і можа падзяліцца ўражаннямі?

«Кашмір у складзе вас не бянтэжыць?»

«Гэта можна набыць і ўсё жыццё насіць. І мода тут ужо ні пры чым».

Gerry Ross - беларускі вытворца адзення з італійскай пражы. Сам вытворца пазіцыянуе сваю прадукцыю як прэміяльную.