Аўтобусны парк Гомеля стаў «кітайскім»

• 15.04.2025, 10:00

Продажы тэхнікі МАЗа на нулі.

На відэа патрапіла калона аўтобусаў, якая перавозіла беларусаў з Гомеля ў Менск 12 красавіка. Сярод 10 міжгародніх аўтобусаў кітайскімі было дзевяць - маркі Yutong і Zhongtong - і толькі адзін беларускі - МАЗ-251. Гэта заўважыў «Флагшток».

Паводле інфармацыі рэгіянальнага выдання, «Гомельаблаўтатранс» з 2019 года не закупляў новыя міжгароднія аўтобусы беларускай вытворчасці.

Нагадаем, што ў пачатку года гарадзенскія перавозчыкі купілі кітайскія аўтобусы для маршрутаў Менск-Гародня і Менск-Слонім, а вясной дзяржаўны футбольны клуб "Віцебск" пахваліўся новым клубным кітайскім аўтобусам.

У Расеі працягваецца падзенне продажаў тэхнікі МАЗа. Так у студзені было прададзена толькі чатыры аўтобусы.