ЗША змякчылі патрабаванні аб «вяртанні дапамогі» Украіне

• 16.04.2025, 9:22

У Bloomberg раскрылі падрабязнасці.

Злучаныя Штаты, магчыма, змякчылі свае патрабаванні аб кампенсацыі дапамогі, якую ЗША далі пасля пачатку поўнамаштабнага ўварвання Расеі ў 2022 годзе.

Пра гэта піша выданне Bloomberg.

Гэта адбылося падчас абмеркавання пагаднення аб выкапнях, адзначаюць крыніцы.

Пасля раўнда перамоў у Вашынгтоне на мінулым тыдні адміністрацыя Дональда Трампа зменшыла сваю ацэнку дапамогі з $300 млрд да каля $100 млрд. Такім чынам сума набліжаецца да ўласнай адзнакі Кіева.

Напярэдадні прэзідэнт Уладзімір Зяленскі заявіў, што Злучаныя Штаты далі Украіне блізу 100 мільярдаў даляраў дапамогі з пачатку поўнамаштабнага ўварвання Расеі.