Якім будзе надвор'е да канца тыдня

• 16.04.2025, 17:40

Прагноз на 17-19 красавіка.

17 красавіка ўночы і раніцай надвор'е працягне вызначаць атмасферны фронт. Удзень адаб'ецца ўплыў вобласці падвышанага атмасфернага ціску і цёплай няўстойлівай паветранай масы. Пераменная воблачнасць. Уначы і раніцай на большай частцы тэрыторыі, днём месцамі па паўночным усходзе краіны чакаюцца кароткачасовыя дажджы, у асобных раёнах - навальніцы. Уначы і раніцай месцамі слабы туман, піша pogoda.by.

Вецер паўднёвы сярэдні, пры навальніцах парывісты. Тэмпература паветра мінімальная ўночы +7..+13°С, максімальная ўдзень +19..+25°С, па паўднёвым захадзе і поўдні Беларусі паветра прагрэецца да +28°С. Атмасферны ціск істотна не зменіцца.

18 красавіка надвор'е будзе вызначаць вобласць падвышанага атмасфернага ціску. Пераменная воблачнасць. Пераважна без ападкаў. Уначы і раніцай месцамі слабы туман. Вецер паўднёвай чвэрці сярэдні, днём месцамі парывісты. Тэмпература паветра мінімальная ўночы +7..+14°С, максімальная ўдзень +22..+28°С.

19 красавіка надвор'е ў асноўным працягне фармаваць вобласць павышанага атмасфернага ціску, толькі па захадзе краіны адаб'ецца ўплыў атмасферных франтоў, якія перамяшчаюцца з паўднёвага захаду Еўропы. Пераменная воблачнасць. Пераважна без ападкаў, толькі па захадзе краіны пройдуць кароткачасовыя дажджы, удзень месцамі прагрымяць навальніцы. Уначы і раніцай у асобных раёнах слабы туман. Вецер паўднёвай чвэрці сярэдні, удзень месцамі парывісты. Тэмпература паветра мінімальная ўночы +8..+15°С, максімальная ўдзень +20..+27°С, месцамі па паўднёвым захадзе краіны яна складзе +17..+19°С.