У расейскім Курску ўспыхнуў пажар на падшыпнікавым заводзе

• 16.04.2025, 20:00

Расейцы скардзіліся на выбухі.

16 красавіка ў расейскім Курску адбыўся маштабны пажар на падшыпнікавым заводзе АПЗ-20. Прадпрыемства з'яўляецца часткай ваенна-прамысловага комплексу Расеі.

Пра гэта паведамляе Astra.

Мясцовыя расейцы паведамлялі пра моцныя выбухі перад загараннем.

У ГУ МНС у Курскай вобласці паведамілі, што пажар адбыўся ў раёне прадпрыемства на ўскрайку горада. Мясцовыя тэлеграм-каналы пішуць, што размова ідзе пра Курскі падшыпнікавы завод АПЗ-20.

Паводле паведамленняў мясцовых паблікаў, выбух адбыўся ў памяшканні завода, якое арандавалася для шынамантажных працаў.

Прадпрыемства ўважаецца за галоўнае ў расейскай галіне машынабудавання. Аўтамабільныя кампаненты пастаўляюцца на найбуйнейшыя трактарныя, маторныя і аўтамабільныя заводы РФ.