Лукашысты замітусіліся праз прывід «бульбяных бунтаў»

• 17.04.2025, 9:55

Беларусы абураны якасцю бульбы ў крамах.

Урад надумаў крыху скарэктаваць сістэму рэгулявання коштаў.

Урад дазволіў павялічыць максімальныя адпускныя цэны на свежую бульбу, белакачанную капусту і цыбулю. Асабліва ў спісе вылучаецца бульбачка: у апошнія месяцы многія беларусы скардзяцца на якасць прапанаванага ў крамах карняплода – часцей за ўсё яна вельмі маленькая.

Магчыма, з паслабленнем у рэгуляванні коштаў і дазволу падняць кошт з 76 капеек да рубля за кілаграм нармальная бульба зноў вернецца ў гандлёвыя сеткі.

Таксама змены закранулі яблыкі, агуркі, буракі і моркву.