У Менску каля парка Чалюскінцаў сутыкнуліся шэсць аўтамабіляў
- 17.04.2025, 12:26
Адзін з іх — рарытэтны.
У Менску паблізу будынка № 95 на праспекце Скарыны адбылося ДТЗ з удзелам шасці аўтамабіляў, паведамілі ва УДАІ ГУУС Менскага выканкама.
Мяркуючы з фота, як мінімум адзін самаход патрапіў у лабавое сутыкненне. Побач стаіць зялёны легкавік часоў СССР — падобны да Масквіча-412 .
Дзяржаўная аўтамабільная інспекцыя просіць улічваць інфармацыю аб ДТЗ пры выбары маршруту.