Лукашысты зладзілі хапун у Койданаве

• 18.04.2025, 14:56

Частка затрыманых - людзі з суседніх дамоў з адной вуліцы.

У Койданаве ў апошнія дні адбываюцца затрыманні і ператрусы, паведамляе праваабарончы цэнтр "Вясна". Нагодай для іх сталі пратэсты 2020 года.

Паводле інфармацыі праваабаронцаў, ператрусы і затрыманні тычацца ўдзелу ў паслявыбарчых акцыях пратэсту - людзям інкрымінуюць «народны» арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).

Са слоў відавочцаў, гараджан сапраўды пераследуюць паводле гэтага артыкула, частка затрыманых - людзі з суседніх дамоў з адной вуліцы.

Паведамляецца, што падставай для пераследу сталі «пратэстныя» фатаграфіі і відэа, праз якія ідэнтыфікуюць удзельнікаў акцый.

"Вядома аб прыкладна пяці затрыманых, дакладная колькасць людзей, якія трапілі пад пераслед, высвятляецца", — паведаміла "Вясна".