У Беларусі некаторыя аўтамабілі вызвалілі ад утыльзбору

• 18.04.2025, 15:36

Скарыстацца льготай змогуць не ўсе.

Некаторыя імпартныя грузавыя аўтамабілі вызваляюцца ў Беларусі ад утылізацыйнага збору. Гэта прадугледжана ўказам нумар 155, які апублікаваны на Нацыянальным прававым інтэрнэт-партале.

Ільгота распаўсюджваецца на седлавыя цягачы (не старэйшыя за 3 гады) з поўнай масай ад 12 да 50 т, а таксама на грузавікі з поўнай масай ад 20 да 50 т.

Важная ўмова - тэхніка павінна адпавядаць экалагічнаму класу не ніжэй за Еўра-5.

Акрамя таго, ад утыльзбору вызваляюцца некаторыя тыпы прычэпаў, уключаючы рэфрыжэратарныя і цыстэрны.

Ільгота дзейнічае толькі для тых кампаній, якія выкарыстоўваюць гэтыя машыны або прычэпы ў міжнародных перавозках на працягу года.

Калі ўмова не выконваецца, утылізацыйны збор давядзецца аплаціць.

Указ пачаў дзейнічаць з моманту афіцыйнага апублікавання і прымяняецца да ўгод, укладзеных з 1 студзеня 2025 года.

Змяненні прадугледжаныя, каб дапамагчы міжнародным перавозчыкам абнаўляць свой аўтапарк.