У Беларусі зафіксаваны новы антырэкорд

• 18.04.2025, 15:50

За ўсю гісторыю статыстычнай справаздачнасці.

У 2024 годзе ў Беларусі нарадзілася на 20 тысяч дзяцей менш, чым пяць гадоў таму - лічба, супастаўная з насельніцтвам невялікага райцэнтра, піша DW.

З 2020 года Белстат хавае лічбы нараджальнасці і смяротнасці.

Лукашэнка прызнае праблему з нараджальнасцю

Амаль 80% беларусаў плануюць мець дзяцей, адзначана ў маніторынгу Інстытута сацыялогіі Акадэміі навук за 2023 год. Пры гэтым 52,4% апытаных адказалі, што сучасныя пары не могуць мець жаданую колькасць дзяцей, бо баяцца, што не змогуць забяспечыць дзіця ўсім неабходным. А вось лічбы нараджальнасці: у 2016 годзе на свет з'явілася 117 800 дзяцей, у 2020-м – 78 841 дзяцей, у 2024-м, праз пяць гадоў, - 58 993.

Улады хоць і хаваюць статыстыку, праблему з нараджальнасцю ўсё ж прызнаюць.

"Самая вялікая зараз праблема для Беларусі ўжо не эканоміка, а дэмаграфія, - адзначаў Аляксандр Лукашэнка. - Нам трэба больш насельніцтва".