У Польшчы ўзмацняюць ахову мяжы з Беларуссю

• 18.04.2025, 19:35

Будзе пабудавана яшчэ пяць наглядальных вышак.

На польска-беларускай мяжы да канца 2025-га года ўсталююць пяць 70-метровых назіральных вышак. Аб'ём інвестыцый складзе 47 млн злотых, паведаміў польскаму агенцтву PAP падпалкоўнік Анджэй Юзвяк.

На вышках плануецца ўстанавіць удасканаленыя оптаэлектронныя прыборы назірання і розныя тыпы камер, а таксама начное асвятленне для абазначэння авіяцыйнай перашкоды.

Устанавіць вышкі плануецца на рачных адцінках мяжы — апошнім часам мігранты больш актыўна спрабуюць перабрацца на польскі бок мяжы ўплаў.