Трамп дапусціў выхад ЗША з перамоваў пра мір ва Украіне

• 18.04.2025, 20:27

Прэзідэнт ЗША назваў, што можа стаць падставай для гэтага.

ЗША могуць спыніць удзел у перамовах пасля заканчэння вайны Расеі супраць Украіны. Гэта адбудзецца, калі адзін з бакоў будзе перашкаджаць міру.

Пра гэта паведамляе РБК-Украіна са спасылкай на заяву прэзідэнта ЗША Дональда Трампа.

Амерыканскага лідара папрасілі пракаментаваць заяву дзяржсакратара ЗША Марка Рубіа пра тое, што ЗША выйдуць з перамоўнага працэсу датычна Украіны, калі ў найбліжэйшыя дні не будзе прыкметаў таго, што ўгода паміж Кіевам і Масквой магчымая ў найбліжэйшыя тыдні.

– Дакладных тэрмінаў няма, але мы хочам зрабіць гэта хутка. Гаворка ідзе пра жыцці. Людзі паміраюць, – падкрэсліў Трамп.

Паводле ягоных словаў, 2,5 тысячы чалавек гінуць кожны тыдзень у жорсткай бітве. Таму ЗША «ў ідэале» збіраюцца гэта спыніць.

«Калі з нейкага чынніку адзін з бакоў стварае сур'ёзныя перашкоды, мы проста скажам: “Вы дурні, вы жудасныя людзі”, – і адмовімся ад усяго. Але, спадзяемся, да гэтага не дойдзе. Марка (дзяржсакратар Марка Рубіа – рэд.) мае рацыю, калі кажа, што мы хочам, каб усё скончылася», – падкрэсліў амерыканскі прэзідэнт.

Ён таксама дадаў, што кожны дзень гіне шмат людзей, пакуль «нехта прадаўжае гуляць у гульні». І ЗША не збіраюцца гэта цярпець.

У той самы час Трамп адзначыў, што ёсць «добрыя шанцы» развязаць такую праблему. І ён «не хацеў бы гаварыць» пра выхад ЗША з мірных перамоваў.