На МКАД сутыкнуліся адразу шэсць аўто

• 18.04.2025, 21:44

Аварыя патрапіла на відэа.

Шэсць аўтамабіляў сутыкнуліся на кальцавой дарозе ў Менску, паведамілі ў ДАІ Менска.

Здарэнне адбылося 18 красавіка блізу 16.25. Паводле звестак інспектараў, у раёне 6-га кіламетра ўнутранага кольца адбылося сутыкненне шасці легкавых аўтамабіляў: Land Rover, Audi, Lada, Mercedes і двух Renault.

У выніку ДТЗ ніхто не пацярпеў, аўтамабілі атрымалі механічныя пашкоджанні.

Прычыны і абставіны здарэння высвятляюцца.