Прэм'ер Баварыі: Пастанову наконт Taurus для Украіны будзе прымаць Мэрц

• 19.04.2025, 14:30

Палітык назваў ракеты найлепшай зброяй Нямеччыны.

Прэм'ер-міністр Баварыі і лідар ХСС, сястрынскай партыі пераможцы федэральных выбараў ХДС, Маркус Зэдэр заявіў, што пастанову аб магчымай адпраўцы дальнабойных ракет Taurus Украіне будзе прымаць будучы канцлер Фрыдрых Мэрц.

Заяву Зэдэра прыводзіць n-tv.

«Гэта будзе вызначаць новы канцлер», - адзначыў прэм'ер Баварыі.

У той жа час ён указаў на абмежаванасць рэсурсаў нямецкіх ВПС.

«Аднак, перш за ўсё, нам трэба як мага больш Taurus для нас саміх», – сказаў Зэдэр.

Ён назваў ракеты Taurus «найлепшай зброяй, якую мы маем», а таксама дадаў, што «нават расейцы паважаюць яе».