Украінскія вайскоўцы ўпершыню знішчылі расейскі лакаматыў

• 19.04.2025, 15:19

Удар дронам паказалі на відэа.

Украінскія вайскоўцы ўпершыню знішчылі расейскі лакаматыў. Відэа з момантам удару паказалі ва УСУ.

Пра гэта паведамляе РБК-Украіна са спасылкай на 152 асобную егерскую брыгаду.

Украінскія абаронцы працягваюць выконваць баявыя задачы на фронце, знішчаючы варожую тэхніку і інфраструктуру.

Воіны 152-й асобнай егерскай брыгады УСУ ўпершыню знішчылі расейскі лакаматыў, які выкарыстоўваўся для перамяшчэння вайсковай тэхнікі і грузаў на акупаваных тэрыторыях.

На кадрах відэа абаронцы дронам атакавалі стратэгічна важны транспартны аб'ект ворага.

Гэта важны этап у знішчэнні лагістычных маршрутаў, якія Расея выкарыстоўвае для забеспячэння сваіх войск на тэрыторыях Украіны.

Лакаматыў мае важнае значэнне для войска агрэсара, бо забяспечвае дастаўку вайсковых матэрыялаў, боепрыпасаў і тэхнікі. Знішчэнне гэтага аб'екта сур'ёзна ўскладняе забеспячэнне на перадавой.