Палонны расеец адкрыта расказаў, навошта прыехаў на вайну ва Украіну

• 20.04.2025, 14:41

Падрыхтоўка заняла ўсяго два тыдні.

Байцы 4-га батальёна брыгады УСУ «Спартан» захапілі ў палон чарговага расейскага акупанта, піша УНІАН.

Відэа допыту расейца яны выклалі ў сацсетцы. Са слоў палоннага, ён надумаў пайсці ваяваць супраць украінцаў, каб пазбегнуць заключэння ў сябе на радзіме, а заадно і зарабіць грошай.

«34-гадовы жыхар Самарскай вобласці падпісаў кантракт у лютым гэтага года падчас знаходжання ў СІЗА. Пайшоў ваяваць, каб зарабіць грошай і пазбегнуць крымінальнага пакарання за нанясенне цяжкіх цялесных пашкоджанняў», - гаворыцца ў паведамленні.

Пасля 2-тыднёвай падрыхтоўкі акупанта адправілі на вайну ва Украіну. Ён атрымаў заданне заняць пазіцыю і весці назіранне.

У «Спартане» адзначылі, што акупант заданне паспяхова праваліў і трапіў у палон, каб папоўніць «абменны фонд».