Байцы УСУ патрапілі ў самае «сэрца»

• 20.04.2025, 14:50

З'явілася відэа, знятае на Ліманскім кірунку.

На Ліманскім кірунку ўкраінскія абаронцы знішчылі расейскі танк Т-80БВМ.

Пра гэта ў нядзелю, 20 красавіка, паведамілі ў аператыўна-стратэгічнай групоўцы Хорціца (АСГВ Хорціца), публікуючы адпаведнае відэа.

Як адзначылі ў АСГВ, сапраўдную ювелірную працу выканалі аператары падраздзялення БПЛА Signum у складзе 53-й асобнай механізаванай брыгады імя князя Уладзіміра Манамаха.

«Аэравыведка высачыла схаваны ў прамысловым будынку варожы танк. Пілот дзейнічаў бездакорна. Дрон нашых абаронцаў па-майстэрску прайшоў скрозь бетонныя канструкцыі і перакрыцці, нібы слізгаючы паміж перашкодамі. Выявіўшы цэль, робат трапіў у самае «сэрца» панцырніка», — пракаментавалі ў АСГВ Хорціца апублікаваныя кадры.

У выніку атакі танк Т-80БВМ, што з'яўляецца адной з самых сучасных машын на ўзбраенні краіны-агрэсаркі РФ, быў знішчаны.

Паводле адкрытых звестак, Т-80БВМ - расейскі асноўны баявы танк сямейства Т-80, які з'яўляецца мадэрнізацыяй танка Т-80БВ. На ўзбраенні - з 2019 года і выкарыстоўваецца расейскімі захопнікамі ў вайне супраць Украіны.