Кіраўнік Нацбанка: Беларусы лічаць у далярах, таму што побач ЕЗ

• 21.04.2025, 9:34

Дзіўная заява Галоўчанкі.

Чаму беларусы дагэтуль лічаць цэны ў валюце ў эфіры дзяржлетэканала «Беларусь 1», расказаў старшыня ўправы Нацыянальнага банка Раман Галоўчанка.

Кіраўнік Нацбанка мяркуе, што "звычка" беларусаў звязана з блізкасцю Еўропы:

- Магчыма, гэта звязана з тым, што мы мяжуем з Еўрапейскім звязам. У той жа Расейскай Федэрацыі, дарэчы сказаць, гэтая залежнасць значна меншая. Мусіць, гэта большы чыннік, звязаны з нашай геаграфічнай блізкасцю да Еўропы.

Чаму беларусы не лічаць у еўра, які з'яўляецца афіцыйнай валютай у Еўразвязе, Галоўчанка не патлумачыў. Забыўся ён згадаць і пра каласальную дэвальвацыю беларускага рубля за час кіравання Лукашэнкі, якая падарвала давер беларусаў да нацыянальнай валюты.