Названыя галоўныя кандыдаты на пасаду Папы Рымскага

• 21.04.2025, 20:30

Ёсць некалькі фаварытаў.

Яшчэ да смерці Папы Францішка, калі ён цяжка хварэў, пачалі ўзнікаць здагадкі пра ягонага магчымага пераемніка. Ці будзе ён чалавекам левых поглядаў, як першы Папа-амерыканец? Ці будзе кансерватыўным і закрытым малітоўнікам, як яго папярэднік, Папа Бенедыкт?

Хто можа стаць Папам? Фаварытамі на пасаду пасля Папы Францішка з'яўляюцца: 70-гадовы дзяржсакратар Ватыкана з Італіі з цэнтрысцкімі поглядамі — П'етра Паралін, 65-гадовы прэзідэнт Сімпозіума біскупскіх канферэнцый Афрыкі і Мадагаскара — Фрыдалін Амбонга Бязунгу з Дэмакратычнай Рэспублікі Конга, 7 кансерватыўны кардынал Вільям Якабус Эйк з Нідэрландаў, які калісьці быў лекарам. Аднак гэта не адзіныя кандыдаты, піша wiadomosci.gazeta.pl.

Сярод іншых патэнцыйных кандыдатаў – 72-гадовы кардынал Петэр Эрдэ з Вугоршчыны, які валодае кансерватыўнымі поглядамі; 67-гадовы Луіс Антоніа Тагле з Філіпін, які валодае левымі поглядамі; і 76-гадовы Рэйманд Леа Бэрк з ЗША, які ўважаецца за вядучага кансэрватара ў Царкве.

Журналісты падазраюць, што пад увагу можа патрапіць і 67-гадовы Марыё Грэк з Мальты, які заклікаў да таго, каб людзей выключалі з царквы з прычыны сэксуальнай арыентацыі ці сямейнага становішча. Яшчэ адным патэнцыйным пераемнікам Папы Францішка можа стаць 69-гадовы кардынал Матэа Дзупі з Італіі.

Аднак усе ранейшыя прагнозы могуць быць памылковымі, паколькі новы канклаў у значнай ступені складаецца з нядаўна прызначаных кардыналаў — часцяком з Цэркваў, якія знаходзяцца далёка ад Рыма. Таму магчымыя пастановы, якія будуць нечаканымі для ўсіх.