Стала вядомая афіцыйная прычына смерці Папы Рымскага

• 21.04.2025, 21:21

Смерць пантыфіка Францішка наступіла раніцай 21 красавіка.

Папа Рымскі Францішак памёр ад інсульту і незваротнага сардэчна-сасудзістага калапсу. Пра гэта гаворыцца ў афіцыйнай выснове, апублікаванай вечарам 21 красавіка прэс-службай Апостальскай Сталіцы.

Смерць Папы Рымскага Францішка наступіла раніцай 21 красавіка ў 7.35 у ягоных апартаментах у Доме Святой Марфы – прыбудове да сабора Святога Пятра ў Ватыкане, якая ў цяперашні час служыць рэзідэнцыяй Папы Рымскага, а таксама месцам пражывання кардыналаў Рымска-каталіцкай царквы, якія збіраюцца на канклаў.

Пантыфік памёр ад мазгавога інсульту, ён запаў у кому і перанёс незваротны кардыяцыркулятарны калапс. Ягоную смерць пацвердзіла рэгістрацыя электракардыянатаграмы – метад фіксацыі поўнага спынення сэрца.

У выснове таксама пазначана, што папа пакутаваў ад наступстваў вострай дыхальнай недастатковасці, выкліканай двухбаковай мікробнай пнеўманіяй, множных бронхаэктазаў, артэрыяльнай гіпертэнзіі і дыябету II тыпу.

Нагадаем, пра смерць папы стала вядома 21 красавіка, у велікодны панядзелак. Ён памёр пасля цяжкай доўгай хваробы.