Недарагія і надзейныя: механік назваў два найлепшыя аўтамабілі з прабегам

• 22.04.2025, 15:18

Гэтыя мадэлі рэдка сутыкаюцца з паломкамі.

На другасным рынку можна знайсці вялікую колькасць розных легкавых аўтамабіляў з прабегам. Тым не менш далёка не ўсе гэтыя мадэлі вартыя ўвагі, піша Express .

Дасведчаны механік Скоці Кілмер назваў найлепшыя, на ягонуую думку, бюджэтныя аўтамабілі з прабегам. Ён заклікаў кіроўцаў пазбягаць рэдкіх мадэляў, з рамонтам якіх могуць узнікнуць праблемы.

Адным з аўтамабіляў, якія рэкамендуе купіць механік, зяўляецца Toyota Corolla. Паводле ягоных слоў, гэтая мадэль прапануе высокі ўзровень надзейнасці і даволі танная ў абслугоўванні.

«Будучы простым і менш складаным аўтамабілем, ён таннейшы у рамонце, а паколькі іх прадалі мільёны, існуе вялікі рынак запчастак нізкімі коштамі», – растлумачыў экспэрт.

Таксама Кілмер раіць звярнуць увагу на Honda Civic. Ён расказаў, што гэта вельмі надзейны аўтамабіль, які лёгка абслугоўваць.