Мінабароны РФ пацвердзіла дэтанацыю боепрыпасаў ва Уладзімірскай вобласці

• 22.04.2025, 18:54

Абвешчаны рэжым НС.

На тэрыторыі вайсковай часці ва Уладзімірскай вобласці адбылося ўзгаранне і дэтанацыя боепрыпасаў, якія захоўваюцца на складзе, паведаміла Мінабароны Расеі.

"Паводле папярэдняй інфармацыі пацярпелых няма, прычына ўзгарання - парушэнне патрабаванняў бяспекі пры правядзенні работ з выбуховымі матэрыяламі", - заявілі ў ведамстве.

Са звестак Мінабароны РФ, у ліквідацыі ўзгарання ўдзельнічалі пажарныя разлікі вайсковай часці і МНС. Кіраўнік абароннага ведамства Андрэй Белавусаў даручыў стварыць камісію, якая высветліць абставіны здарэння. Яе ўзначаліў намеснік міністра абароны Андрэй Булыга. "Пасля правядзення разбору вінаватыя службовыя асобы будуць прыцягнуты да адказнасці", — сказалі ў міністэрстве.

Раней губернатар Уладзімірскай вобласці Аляксандр Аўдзееў паведаміў аб выбуху ў Кіржацкім раёне. ТАСС са спасылкай на РСНС перадаваў аб абвешчаным там рэжыме НС. Раённая адміністрацыя паведаміла аб эвакуацыі жыхароў населеных пунктаў Барсава і Мірны.

Як паведамляў Charter97.org, у знішчаным пад Масквой складзе захоўваліся 105 тон узбраення і ракет.