Не толькі Крым: ЕЗ адмовіў ЗША яшчэ ў адным пытанні аб Украіне

• 23.04.2025, 11:53

Еўропа настроеная катэгарычна.

Пагадненне, прапанаванае ЗША аб Украіне, не задавальняе ЕЗ у некалькіх важных момантах. І гэта не толькі неабходнасць прызнання акупаванага Крыма расейскім.

Аб гэтым піша Reuters.

На мінулым тыдні дзяржсакратар ЗША Марка Рубіё заявіў, што рамачная праграма ЗША, прапанаваная ім спецпасланнікам прэзідэнта ЗША Стывам Уіткафам у Парыжы, была ўспрынятая з натхненнем.

Але, са слоў крыніц Reuters, сярод прапаноў ЗША было "прызнанне незаконнай анэксіі Крыма Расеяй - крок, які не задавальняе Еўропу і Украіну".

"Акрамя Крыма, застаюцца і іншыя важныя пункты спатыкнення, уключаючы патрабаванне Расеі адмяніць санкцыі Еўрапейскага звязу супраць яе да заканэння перамоў, супраць чаго Еўропа катэгарычна пярэчыць", - канстатуе выданне.

Сустрэча аб Украіне ў Лондане

23 красавіка ў Лондане павінна была адбыцца важная сустрэча прадстаўнікоў Украіны, Вялікабрытаніі, ЗША, Францыі і Нямеччыны для абмеркавання шляхоў урэгулявання вайны. Меркавалася, што ключавым пытаннем стане поўнае спыненне агню.

Украіну на перамовах узначалілі кіраўнік Офіса прэзідэнта Андрэй Ярмак, міністр абароны Рустэм Умераў, намеснік кіраўніка МЗС Андрэй Сібіга і намеснік кіраўніка Офіса прэзідэнта Павел Паліса.

Літаральна за 24 да саміту, стала вядома, што ЗША плануюць прэзентаваць у Лондане ўласную мірную ініцыятыву. У ёй прапаноўвалася замарозка лініі судакранання на фронце, адмова Украіны ад уступлення ў NАТО і прызнанне Крыма расейскім.

У сваю чаргу, прэзідэнт Украіны Уладзімір Зяленскі заявіў, што Украіна не прызнае ніякіх захопленых тэрыторый часткай РФ, тым самым адмовіўшыся ад плана ЗША.

На гэты момант вядома, што дзяржсакратар ЗША Марка Рубіё не прыме ўдзел у сустрэчы ў Лондане. Пры гэтым, як даведалася РБК-Украіна, украінская дэлегацыя накіроўваецца на сустрэчу ў сталіцы Брытаніі.