Рубель і расейскія акцыі пасыпаліся

• 23.04.2025, 12:50

Праз навіны аб зрыве перамоў аб Украіне.

Расейскі фондавы і валютны рынак рэзка зніжаюцца на таргах у сераду на навінах аб тым, што перамовы аб замірэнні ва Украіне зноў забуксавалі, піша The Moscow Times.

Курс даляра на форэксе на 12.30 вырас на 1,5%, да 82,71 рубля, а на расейскім міжбанкаўскім рынку, са звестак Reuters, паднімаўся да 83,1 рубля - самага высокага ўзроўню за тыдзень.

Еўра падаражэў да рубля на 2,2%, да 94,5 рубля, а курс юаня на Масбіржы падскочыў на 2% - да 11,35 рубля і таксама ўстанавіў тыднёвы максімум.

Індэкс Масбіржы, які напярэдадні вечарам прыбіваў адзнаку 3000 пунктаў, у пачатку таргоў апускаўся да 2900 пунктаў. Акцыі "Газпрама" патаннелі на 3,2%, Сбербанка – на 1,5%, ЗГБ – на 3,1%, "Раснафты" – на 2,9%. Больш за 3% страчваюць у кошце "Аэрафлот", НЛМК, ММК і "Алроса".

"Негатыўная дынаміка …> звязана з геапалітыкай, бо запланаваныя на сёння перамовы ў Лондане аб урэгуляванні ваеннага канфлікту ва ўсходняй Еўропе сарваліся", – канстатуе аналітык Freedom Finance Global Уладзімір Чарноў.