«Генерал Чарэшня»: на фронт накіроўваецца новы дрон для знішчэння бранятэхнікі РФ

• 23.04.2025, 15:08

Ён мае магутныя электрарухавікі.

Міністэрства абароны Украіны кадыфікавала і дапусціла да выкарыстання на фронце беспілотны FPV-авіякомплекс “Генерал Чарэшня”.

Пра гэта паведамляе Мінабароны Украіны.

Як распавялі ў ведамстве, коптары комплексу "Генерал Чарэшня" грунтуюцца на рамах рознага тыпаразмеру. Пры гэтым яны маюць магутныя электрарухавікі.

А вось мэтавы рыштунак беспілотнікаў баявымі часткамі залежыць ад варыянту выкарыстання. У залежнасці ад памеру рамы, дроны могуць несці на сабе выбухны зарад, разлічаны на знішчэнне браняваных транспартных сродкаў ворага, аўтамабіляў, бліндажоў.

«Комплекс «Генерал Чарэшня» можа быць разгорнуты і падрыхтаваны да працы за лічаныя хвіліны. Гэта надзвычай важна для гарантавання бяспекі экіпажа», - распавялі ў Мінабароны.

Вытворчасць дронаў ва Украіне

З пачатку поўнамаштабнага ўварвання Украіна істотна павялічыла вытворчасць беспілотнікаў. Над іх распрацоўкай працуюць як дзяржаўныя, гэтак і прыватныя кампаніі.

Айчынныя вытворцы ствараюць ударныя, выведвальныя і марскія дроны, якія ўжо даказалі сваю эфектыўнасць у знішчэнні расейскага флоту. Раней урад паведамляў, што Украіна здольная штогод вырабляць больш за 3 мільёны дронаў розных тыпаў.

Як адзначыў кіраўнік Галоўнай управы выведкі Мінабароны Кірыл Буданаў, украінскія беспілотнікі здольныя знішчаць цэлі на адлегласці да 1800 кіламетраў.