Яшчэ адзін прыватны сектар у Мінску пойдзе пад знос

• 23.04.2025, 16:35

Праект прадугледжвае знос 27 сядзіб і амаль паўтара дзясятка грамадскіх будынкаў.

Сёння ў адміністрацыі Савецкага раёна пачалося новае грамадскае абмеркаванне. Яно прадугледжвае знос 27 сядзіб і амаль паўтара дзясятка грамадскіх будынкаў.

Гэта новы праект, які абмежаваны вуліцай Шырокай - Лагойскім трактам - вуліцамі Лук'яновіча - Гала - Алешава - Максіма Багдановіча, піша onliner.by.

Плошча дзялкі, які хочуць перакроіць, - 68 га. Немалую частку гэтых самых гектараў займаюць сядзібы. Старымі хаты не назавеш, але і “крэпасцямі” таксама - нешта сярэдняе.

Сярод сядзіб часта сустракаюцца двухкватэрнікі (а то і трох-). Таму на 27 асуджаных да зносу дамоў прыпадае 51 кватэра агульнай плошчай крыху больш за 3 тыс. "квадратаў".

Якія сядзібы вырашылі выкрасліць з гісторыі горада? Дамы на Шырокай, 11, 13, 15, 17, 19, 21, 23, 25. На вуліцы Алешава хочуць знесці тры пабудовы — дамы №4, 6, 8. Тапаграфічная вуліца пазбавіцца дома №18, а першы тапаграфічны завулак — дамоў №3, 5, 7, . Тут лішнімі палічылі сядзібы №1, 3, 15, 17, 19, 21. Такі ж статус і дома №12 ў завулку 2-му Паліграфічнаму.

Пабудовы, падзеленыя на дзве-тры кватэры, вельмі нават прасторныя: амаль ад 105 да 290 квадратных метраў. Верагодна, развітацца з імі гаспадарам будзе вельмі няпроста: сямейнае гняздо, у гэтых дамах выгадавалася не адно пакаленне.