Радаслаў Сікорскі: Месца беларусаў - у аб'яднанай Еўропе

• 23.04.2025, 22:37

Моцная заява кіраўніка МЗС Польшчы.

Міністр замежных спраў Польшчы Радаслаў Сікорскі выступіў з дакладам перад Соймам краіны. У ім гаворыцца і пра Беларусь.

- Мы не губляем надзеі, калі гаворка ідзе пра лёс Беларусі. Хоць, вядома, мы не наіўныя - мы рэалістычна ацэньваем кіраванне Аляксандра Лукашэнкі, які зрабіў сваю краіну залежнай ад Крамля.

Беларускае грамадства, у тым ліку тысячы нашых суайчыннікаў, заслугоўвае лепшую будучыню.

Радаслаў Сікорскі заявіў, што Варшава патрабуе вызвалення лідара польскай дыяспары ў Беларусі Анджэя Пачобута:

- Нагадаем, Анджэй Пачобут сядзіць у беларускай турме 3 гады. Мы сочым за тым, каб пытанні падтрымкі беларускай грамадзянскай супольнасці займалі высокае месца ў парадку дня ЕЗ. Месца беларусаў - у аб'яднанай Еўропе.