Маск і Бесэнт пабіліся ў Белым доме на вачах у Трампа

• 24.04.2025, 7:36

Прычынай стала барацьба за кантроль над Падатковай службай ЗША.

Амерыканскі мільярдэр Ілан Маск і міністр фінансаў ЗША Скот Бесэнт пасварыліся і ўчынілі бойку праз важную кадравую пастанову прэзідэнта Дональда Трампа.

Пра гэта паведамляе Axios.

Кіраўнік Дэпартамента эфектыўнасці ўрада (DOGE) Ілан Маск і міністр фінансаў ЗША Скот Бэсэнт зладзілі публічную сварку ў Белым доме ў прысутнасці прэзідэнта Дональда Трампа і высокапастаўленых чыноўнікаў. Прычынай канфлікту стала барацьба за кантроль над Падатковай службай ЗША (IRS).

У мінулы чацвер, 17 красавіка, паміж Маскам і Бесэнтам адбылася жорсткая сварка ў калідоры Заходняга крыла.

Маск абурыўся з-за ўмяшання Бесэнта ў яго кадравую ініцыятыву, а той у адказ абвінаваціў Маска ў невыкананні бюджэтных абяцанняў і назваў яго "агентам Сораса".

Канфлікт пачаўся пасля таго, як у сераду, 16 красавіка, прэзідэнт Трамп прызначыў часовым кіраўніком Падатковай службы кандыдата Маска. Гэры Шэплі ж настойваў на кандыдатуры свайго намесніка Майкла Фалкендэра.

Спрэчка выйшла з-пад кантролю настолькі, што памагатаму давялося фізічна разнімаць абодвух службоўцаў.

Прэс-сакратарка Белага дома Каралін Левіт, каментуючы інцыдэнт, заявіла, што «супярэчнасці - гэта частка здаровага палітычнага працэсу», і нагадала, што ўсе чальцы каманды працуюць «з даверу прэзідэнта Трампа».

Выданне адзначыла, што гэта ўжо не першая гучная сварка з удзелам Ілана Маска - раней ён ужо канфліктаваў з дзяржсакратаром Марка Рубіё, міністрам транспарту Шонам Дафі і гандлёвым дарадцам Пітэрам Навара.

Пасля сваркі на Маска абрынулася хваля крытыкі ў сацсетках. Аднак ужо на наступны дзень перамогу атрымаў Бесэнт - менавіта яго кандыдат Фалкендэр быў зацверджаны кіраўніком IRS.

Са слоў крыніц Axios, ніводная са старон не плануе ісці на прымірэнне.